【返工先嚟落雨🌧 】#唔通連個天都唔鍾意我？
有咩討厭得過冒住大雨趕返工？對鞋濕晒仲要噏足一日！唔單止腳臭，最弊係糟蹋咗對又靚又新嘅鞋 😰
唔驚！只要office有呢幾樣嘢就可以輕鬆乾鞋： 💧
1. 報紙、公文袋 📰
可以將吸濕力強嘅報紙或者舊嘅公文袋捲成球狀塞入鞋內，記住要定時更換。
2. 乾燥劑、除濕劑
平時買零食返office，記得keep住零食包裝入面嘅乾燥劑小包，需要時就可以放入鞋吸濕。
3. 咖啡渣 ☕️
將沖完咖啡嘅咖啡渣、或者咖啡粉囊放到窗邊或通風地方風乾後，入落個袋仔打個結，再放入鞋中，除臭吸濕之餘仲可以防止發霉。
#滾續達人 #祈求返工好天氣 #辦公室之廢物利用